Tok News | Best News Portal in Kerala

EDITORS PICK

യുവാവിന്റെ ചെവിക്കുള്ളില്‍ ചിലന്തി വല

ബെയ്ജിങ്ങ്:  ചെവിയില്‍ ചൊറിച്ചിലുമായി ആശുപത്രിയിലെത്തിയ യുവാവിനെ പരിശോധിച്ചപ്പോള്‍ കണ്ട കാഴ്ച ഞെട്ടിക്കുന്നു. ചെവിക്കുള്ളില്‍ വല നെയ്തുകൊണ്ടിരിക്കുന്ന ചിലന്തിയെയാണ് ഡോക്ടര്‍ പരിശോധനയില്‍ കണ്ടെത്തിയത്. ചൈനയിലെ ജിയാമ്ഗ്‌സു പ്രവിശ്യയിലാണ് സംഭവം. ചെവിയ്ക്കുള്ളില്‍ എന്തോ ഇഴയുന്നതായി സംശയം തോന്നിയ യുവാവ് ഡോക്ടറുടെ അടുത്തെത്തി പരിശോധനയിലാണ് ചെവിക്കുള്ളില്‍ ചിലന്തി വല നെയ്തുകൊണ്ടിരിക്കുന്നതായി അറിഞ്ഞത്. ഡോക്ടര്‍മാര്‍ ഉടന്‍ തന്നെ ചെവിക്കുള്ളിലേയ്ക്ക് സലൈന്‍ ലായനി കടത്തിവിട്ട് ചിലന്തിയെ നിര്‍ജ്ജീവമാക്കിയ ശേഷം പുറത്തെടുക്കുകയായിരുന്നു.


ലൈംഗികബന്ധത്തിന് തടസ്സം മാതാപിതാക്കള്‍ കുഞ്ഞിനെ കൊന്നു

ഇംഗ്ലണ്ട്: രണ്ട് മാസം പ്രായമായ കുഞ്ഞ് മരിച്ച സംഭവത്തില്‍ മാതാപിതാക്കള്‍ കുറ്റക്കാരാണെന്ന്  കണ്ടെത്തി. ലൈംഗികബന്ധത്തിന് കുഞ്ഞു തടസ്സമാണെന്നറിഞ്ഞ്  മാതാപിതാക്കള്‍ കൊലപ്പെടുത്തുകയായിരുന്നെന്ന്  അന്വേഷണസംഘം കണ്ടെത്തി.2014 ഏപ്രിലിലാണ്  കുഞ്ഞ് മരിച്ചത്. ശ്വാസംമുട്ടിയാണ് കുഞ്ഞ് മരിച്ചതെന്നും പോസ്റ്റ്‌മോര്‍ട്ടത്തില്‍ തെളിഞ്ഞു.


മരണസമയത്ത് കുഞ്ഞിന്റെ വാരിയെല്ലുകള്‍ പൊട്ടിയ നിലയിലായിരുന്നു. കുഞ്ഞിന്റെ മരണത്തില്‍ ദുരൂഹത ഉണ്ടെന്ന് മനസ്സിലാക്കി മാതാപിതാക്കളായ എമ്മാ കോള്‍, ലൂക്ക് മോര്‍ഗന്‍ എന്നിവരിലേക്ക് അന്വേഷണം തിരിയുകയായിരുന്നു. മാതാപിതാക്കള്‍ ലൈംഗികബന്ധത്തിലേര്‍പ്പെടുന്നതിനിടെ കുഞ്ഞു കരഞ്ഞപ്പോള്‍ ഇരുവരും കൂടി തലയിണ കുഞ്ഞിന്റെ മേല്‍ അമര്‍ത്തുകയായിരുന്നെന്നാണ് അന്വേഷണത്തില്‍  കണ്ടെത്തിയത്. സംഭവം നടക്കുമ്പോള്‍ കുഞ്ഞിന്റെ മാതാപിതാക്കള്‍ മദ്യലഹരിയിലായിരുന്നു.




ഏറ്റവും ശക്തമായ ഗര്‍ഭഛിദ്ര നിയമം പാസ്സാക്കി അലബാമ സ്റ്റേറ്റ്

വാഷിംഗ്ടണ്‍: ഗര്‍ഭധാരണം കഴിഞ്ഞ് ഏത് ഘട്ടത്തിലും ഗര്‍ഭഛിദ്രം നടത്തുന്നത് കുറ്റകൃത്യമാക്കിയുള്ള നിയമം പാസ്സാക്കി അലബാമ സ്റ്റേറ്റ്. യുഎസിലെ ഏറ്റവും ശക്തമായ ഗര്‍ഭഛിദ്ര നിയമമാണിത്. സ്ത്രീയുടെ ആരോഗ്യത്തിന് ഗുരുതരമായ ഭീഷണിയുണ്ടെന്ന് ഡോക്ടര്‍മാര്‍ റിപ്പോര്‍ട്ട് നല്‍കിയാല്‍ മാത്രമേ ഗര്‍ഭഛിദ്രം ഇനി സാധ്യമാവുകയുള്ളു. റിപ്പബ്ലിക്കന്‍ പാര്‍ട്ടിക്ക് ഭൂരിപക്ഷമുള്ള സെനറ്റാണ് വോട്ടെടുപ്പിലൂടെയാണ് നിയമം പാസ്സാക്കിയത്. 


10 മുതല്‍ 99 വര്‍ഷം വരെ തടവ് ലഭിക്കാൻ സാധ്യതയുള്ള കുറ്റമായും ഗര്‍ഭഛിദ്രം കണക്കാക്കും.ഇതോടെ ബലാത്സംഗം, വ്യപിചാരം തുടങ്ങി ഒരു സാഹചര്യത്തിലും ഗര്‍ഭഛിദ്രം അനുവദിക്കില്ല എന്നതാണ് ശ്രദ്ധേയം. യുഎസിൽ  നിലവിലുള്ളതിൽ  ഗര്‍ഭഛിദ്രത്തിനെതിരെ ഏറ്റവും ശക്തമായ നിയമമാണിത്.

17 രോഗികളെ ഡോക്ടര്‍ വിഷം കുത്തിവച്ചു: ഒൻമ്പത് രോഗികള്‍ മരിച്ചു

പാരീസ്: രോഗികള്‍ക്ക് വിഷം കുത്തിവെച്ച  ഡോക്ടര്‍ക്കെതിരെ അന്വേഷണം തുടങ്ങി. നേരത്തെ ഏഴ് രോഗികളെ വിഷം കുത്തിവെച്ച കേസില്‍ ഇയാള്‍ വിചാരണ നേരിടുന്നുണ്ട്. അനസ്തേഷ്യോളജിസ്റ്റ് ഫ്രെഡറിക് പേഷ്യര്‍ എന്നയാളാണ് ഫ്രാന്‍സില്‍ വിചാരണ നേരിടുന്നത്. ഇയാൾ വിഷം കുത്തിവെച്ച 17 രോഗികളില്‍ ഒൻമ്പത്  രോഗികള്‍ മരിച്ചു. 2017ലാണ് ഇയാള്‍ക്കെതിരെ ആരോപണമുയരുന്നത്  തുടര്‍ന്ന് കേസെടുക്കുകയും ചികിത്സിക്കുന്നത് വിലക്കുകയും ചെയ്തിരുന്നു. 


രോഗികള്‍ മരിക്കുന്ന സംഭവത്തില്‍  ഇയാളുടെ സ്വാധീനമുണ്ടായിരുന്നതായി അന്വേഷണത്തിൽ കണ്ടെത്തി. എന്നാല്‍, തനിക്കെതിരെയുള്ള  ആരോപണങ്ങൾ കെട്ടിചമച്ചതാണെന്നും തന്‍റെ കരിയര്‍ നശിപ്പിക്കാനുള്ള നീക്കമാണെന്നു ഫ്രെഡറിക് കോടതിയില്‍ പറഞ്ഞു

ALL NEWS